Sollte Ihr Browser kein Flash unterstützen:

26+++

loh mi us

bitte bitte
loh d türe no-n-e schpalt ùff.
mach se noni zue.
bhalt se ùff.
bitte bitte
loh no liecht ine
dure schpalt.
e chli liecht.
bitte bitte
schliess nit ab,
mi nit i,
ois nit us.

bitte bitte
chumm zu mir,
i mis bett
und schlof mit mir-
i und us.
bitte bitte
i ligg wach,
schlof denn us.
du schlofsch i,
wachsch denn uff.
ghei dr schlüssel noni furt.
bitte bitte
blib bi mir.
und wenn du gohsch...
loh mi us.

bitte bitte
loh d türe no-n-e schpalt ùff.
bitte bitte
nur e schpalt.
schliess nit ab,
drei nit um.
und vrlier dr schlüssel nie.
bitte bitte
loh d türe no-n-e schpalt ùff.
e chli liecht
blibt bi mir.
dure schpalt
luegsch mr zue,
wie-n-i schlof
und gohsch.
lohsch d türe no-n-e schpalt ùff?
bitte bitte