Leseprobe: Stephan Eibel Erzberg - "Tschechow."

da hund

ea wiad amoal ka fixa
kana diesa fußballtricksa
ea wiad ka einbrecha
oder braungebrannta geldrechna
ka noamala ehemann
oabeitet net bei da bundesbahn
is ka pensionist
dea nix frisst

da hund is dia imma treu
sexuell probiert eas übaeu
du gibst eam des essn
des muass ea fressn
alles paßt
deinem iadnen gast

ea wiad ka sängerin in wien und ka hua in bruck an da mua

fia an hund brauchst ka kleidung
mit eam host ka scheidung
ka streiterei ums liabe kind
deis üba kuaz oder loang in den himmel kimmt
mit an hund brauchst nua schrein
schon fangt ea sich an zu gfrein

a hund ist scheen
zum spaziangeen
a hund
wiad uns ealösen
von oallen bösen
(S. 28)