Dialektaler Mond
1 bild / 100 worte
Immer wänni de Mond vormer xeh, gäll, und er isch voll, dänn dänki scho dass das öppis mit öis gmacht hät, do, weisch, vom, naja, vom Chopf her halt – PLASTIKSACK-MEITLI, HANDTÄSCHE-FRAU, SITZED MITEINAND VOR DR TAGESSCHAU – und er in voller Montur schtaht da und seit zumer, weisch, du bisch mini Frau, mini Frau im Mond, und ich säg – BIN NASA-HAS, BIN HASTRONAUT, BIN DOWN AND OUT – schpinnsch?, wil er mit sim Rännfahrerhelm chunnt dänn immer so druff, so Explorer-im-Wältall-like, alles u-langsam und enart schwerelos – PRIMÄR WOTT ICH NU MIT DIR TANZE – is Näscht. Sicher Digger. Schtaht diä Fahne? MEGA.
