Leseprobe: Reinhard P. Gruber - "Glück"

LIED      MIR HAT ALLES GHÖRT (Vochera)

I bin a Krüppel, aber i leb
I war a Raff-alls-zsamm, a Dagobert, a Tepp
Hab von die andern alls ghabt, Hauptsach war, mir ghörts
Und was i nie ghabt hab: für die andern a Herz

Hab ma gnommen, was i braucht hab, und daß i mit jemand teil
War vollkommen undenkbar, ihr warts ma alle schnurzegal
Jetzt hat as Geld an Krüppel gmacht aus mir
Weil i nie gnua kriegn können hab vor lauter Gier

Mir hat alles ghört, die ganze Gegend da
Ab heut brauch i nix mehr außer mein Lebn
Des hab i zruckkriegt von irgendaner Macht da obn
I wer jetzt alls, was i besitz, einfach hergebn

Früher bin i gsessen und hab die Schilling zählt
Und jeder Groschen, den i verlorn hab, hat mi quält
Reichtum is a schweres Los, mußt dauernd daran denken
Nur in dein Herz is nix mehr los, drum muß i euch jetzt alles schenken

Heute brauch i nur mehr ans, mei Ruh, Freund, und an Frieden
Streiten solln die andern, i bin vom Geld jetzt gschieden
I hab gottseidank mei Chance, mi zum ändern, gmerkt
Net jeder hat des Glück, heut waß i s - Hergebn stärkt

Mir hat alles ghört ...
(S. 62)

(c) 1997, Droschl, Graz, Wien.
Publikation mit freundlicher Genehmigung des Verlags.