|
a nettla,
de håmb glei vakaft, a nettla håmb no gwåcht
åba båld håmb’s ålle
ibarissn,
daß da zug schoa lång fåcht
de ami håmb an haufn zåhlt, fi jedn
stoa und stock
und wån de zeit nid går guat is
is de pfoat nachnda wia
da rock
am letztn tåg, då håmma foto gmåcht, fi de
enkekinda amål
a foto va da klåräpfebam, und a foto van ståll
mia send
no iban tauang gfåhrn, åba i hån neama hintagschaut
nåch ins send de
bagga kema, und håmb es lungoland baut
lungo lungo land, lungo lungo land
jeder liebt und jeder kennt - lungoland
es håmb ålle årbat kriagt, braucht neampt
mehr stempen geah
und de häusa wås se fi ins baut håmb, de send ångla
schea
mia kinnan durchn tunndl fåhng, es is går nid so weit
und wånn
mei bua de gleiche schicht håt
nåchand fåhng ma zu zweit
i måch hiatz de speschl effects, ba da
silbawåld-animation
und mei bua is chef va da
mosermandlhologrammprojektion
es lungoland is a sensation,
fechtn håm
ma s disneyland übahoit
de aktien steignt fåst jedn tåg, und da
lungo-rube rollt
lungo lungo land, lungo lungo land
jeder liebt und jeder kennt - lungoland
oft wånn i nid schlåfn kå, geah i ålte
foto oschaun
nåchand gspia i s loch in mein hechz
und es wåssa in meine augn
wås vabei is is vabei
da hilft koa
groan und graan
wås vabei is is vabei
du kånnst de zeit neama
hintawächtsdrahn
lungo lungo land, lungo lungo land
jeder liebt und jeder kennt – lungoland
wenga hånsn
schane
wenga hånsn schane
hiatz
haus i in dein haus
oft kimmt ma fi de nane und du
es geahts no ei und
aus
da ålte stådl steaht no
åba nächsts jåhr reiß ma n åb
auf dera
welt bleibt nix wia s is
måg s guat sei oda låb
wenga hånsn schane
hiatz haus i in dein haus
is nid tamisch
wia ålls weitageaht
und wia oans
um
s åndre ummesteaht
und wia de zeit da welt
gånz still und stat
und
hoamla s gsicht vadraht
wenga hånsn schane
de welt va heit wa
neama deine
irbat is s ma selba nid gånz klår
is übahaupt no meine
es lebn is schnell und kålt
und glänzat
gråd åls wia r a fisch
a jeda rennt und springt
und ziahcht en åndan
iba n tisch
wenga hånsn schane
de welt va heit is neama ins
is nid tamisch ....
wenga hånsn schane
irbat giass i deine
bleamla
wenga hånsn schane
irbat denk i no an di
(Anmerkung des Autors: wenga hånsn schane
war
der spitzname meines großonkels, in dessen haus ich nun lebe)
årbat
mei auto is aus japan
und mei
uhr is aus taiwan
de kamera aus singapur
da schal aus pakistan
des
holz is aus malaysia
s påpier aus kanada
es fleisch is aus neuseeland
und s know-how aus u.s.a
de schuach, de send aus mailånd
und de pfoat is aus paris
so huck ma då und frågn ma ins
wo insa årbat is
da schinkn is aus parma
und da wein aus piemont
da butta is aus
dänemark
da kas aus griechnlånd
es joghurt wa aus deitschlånd
åba
so leicht geaht des nid
es fåcht zescht nåch italien
wecht docht in
becha gfüllt
de schuach, de send aus mailånd....
da teppich is aus indien
mit kindaårbat gmåcht
de kriagnt 3 öS in da wochn tschingglnt tåg und
nåcht
de roasn aus kolumbien
send mit chemie vasifft
åba ins kånns
wurscht sei
wånns docht bodn und leit vagift
de schuach, de send aus mailånd....
und intn in da 3. welt
då
stellt neamp blede frågn
nåch årbatszeit und umweltschutz - då håt neamp
wås zan sågn
de diktatur de laft wia gschmiert und måcht de leitla willig
da hunga in de blechbarackn måcht de årbat billig
de schuach, de send aus mailånd....
fåst täglich draht a bude zua
des wort is firmensterbn
es management såg mir send nur
a teil va an
konzern
und die herrn von dem konzern schiabnts auf den aktionär
des
is a investmentfond
mit geld, woaß gott wo her
a jeda såg da, er is nur
a teil va da maschin
de hoaßt globale
mårktwirtschåft und håt bestimmt an sinn
... |
